ޚުލާޞާ ތަފްސީރު

ޚުލާޞާ ތަފްސީރަކީ، ޢަރަބި ބަހުން ލިޔެފައިވާ އެންމެ ކުރު ތަފްސީރުތައް މައިގަނޑު މަޞްދަރަކަށް ބަލައިގެން ދިވެހި ބަހުން ލިޔަމުން އަންނަ ކީރިތި ޤުރުއާނުގެ ތަފްސީރެއް.

ޚުލާޞާ ތަފްސީރު ތަފާތުވާ އެއްކަމަކީ ކީރިތި ޤުރުއާނުގެ އާޔަތްތަކުގެ ތަފްސީރު ކުރުކޮށް ބުނެދީފައި އޮތުން. މީގެ އިތުރަށް ލަފުޒީ ތަރުޖަމާތަކުން ގިނަ ފަހަރަށް ފަރުދާވެފައި ހުންނަ އާޔަތްތަކުގެ މައުޟޫޢުތަކާއި ތަފުސީލުތައް ގެނެސްދީފައި އޮތުން. އަދި ތަފްސީރުގައި ޢަރަބި ލަފުޒުތައް ތާނައިން ލިޔެފައިވުމާއި، ވީހާވެސް ބޮޑަށް ދިވެހި ލަފުޒުތަކާއި އިބާރާތްތައް ބޭނުންކޮށްފައި އޮތުމަކީ ވެސް މި ތަފްސީރުން ފާހަގަ ކުރެވޭ ކަންކަން.

މި ތަފްސީރު ބަހާލެވިފައިވަނީ 06 ވޮލިއުމަށް. ކޮންމެ ވޮލިއުމަކީ ކީރިތި ޤުރުއާނުގެ 05 ފޮތުގެ ތަފްސީރު.

ޚުލާޞާ ތަފްސީރުގެ ކޮންމެ ވޮލިއުމަކީ ވެސް އިސްލާމީ ކަންތައްތަކާ ބެހޭ ވުޒާރާއިން ފާސްކޮށްފައިވާ ވޮލިއުމެއް. އަދި ކޮންމެ ވޮލިއުމަކީ ނެޝަނަލް ބިއުރޯ އޮފް ކްލެސިފިކޭޝަނުން ގިންތި ކޮށްފައިވާ ވޮލިއުމެއް.

ޚުލާޞާ ތަފްސީރު ނޮވެލްޓީގެ ބުކްޝޮޕްތަކުން ލިބެން ހުންނާނެ. އަދި ނޮވެލްޓީ ބުކްޝޮޕްގެ ވެބްސައިޓުން ވެސް ލިބެން ހުންނާނެ.

ނޮވެލްޓީ ބުކްޝޮޕްގެ ވެބްސައިޓުން އޮންލައިންކޮށް ގަތުމުން ރާއްޖޭގެ ކޮންމެ ތަނަކަށް ވެސް ޚުލާޞާ ތަފްސީރު ފޮނުވައިދޭނެ.

ގަނޑުކޮށްވެސް ގަންނަން ލިބޭނެ. 7995796 އަށް ގުޅާލުމުން ގަތުމުގެ އިންތިޒާމު ހަމަޖައްސައިދޭނެ.

ތަފްސީރުގެ ޝާއިޢު ކޮށްފައިވާ ހުރިހާ ވޮލިއުމެއް "ދިވެހި ފޮތްއެޕް" އިން ލިބޭނެ.